Haberá rock alternativo, psicodelia, electrónica, live set ou surf. Os concertos comezan ás 22.00 horas cun grupo por confirmar e ás 23.00 horas subirán ao escenario os Rockin' for tangas para traer o hardcore melódico cun dos directos máis divertidos e contundentes.
Ás 24.00 horas será o turno do Surfedorento Rock’n’Roll e a súa aposta polo son surf e o humor. Santos Morcegos!!! presenta, ademais, o seu novo disco "Ecstasy of Fedorento" (D.I.Y. 2010).
Holywater é recoñecido como unha das apostas de futuro do rock alternativo. Xa con catro discos editados e xiras por España e Europa, pódense recoñecer facilmente pola voz de Ricardo Rodríguez e a forza e calidade dos seus concertos. Á 1.00 presentan o seu último álbum "The Path to Follow" no Sobreira Rock.
De seguido, ás 2.00 horas chegarán os Unicornibot que son sinónimo de psicodelia, rock progresivo, math rock e hardcore. Sen cantante, pero cunha forza instrumental arrolladora, Unicornibot tamén presenta LP no Sobreira: "Hare Krishna”.
Para rematar a noite o Sobreira Rock conta con Chuzausen . Ás 3.00 horas comezarán a soar as ondas electrónicas en Valadares cun live set dde pura enerxía.
Agardámosvos no párking do Instituto de Ensinanza Secundaria de Valadares!!! (Clara Campoamor, s/n)
No hay comentarios:
Publicar un comentario